NewsRecord Weekly Publication

Bantay Banat
Ni Rics Cañisarez

Wala tang-tanga

Wala pa gayud tang-tanga sa Comelec ang mga illegal campaign materials dinhi sa syudad. Dili ba kaha nga ang mga natungdan nga mga kandidato na ang manangtang sa ilang mga campaign materials. Kining mga poll propaganda sa mga local nga kandidato angayan na gayud kining panangtangon kay wala pa man ang campaign period. Apan kon magmagahi man gayud ning mga hingtungdan nga kandidato mas maayo nga ang Comelec na lay molihok.

*************

Kini sang mga sakyanan sa gobierno nga gamiton sa pag pangampanya dili ba nga gidili man kini?Pero, sa akong na-obserbahan, sayon-sayunon man lang gamiton sa mga kandidato kining mga sakyanan sa gobierno. Ambot kon na-monitor ba kini sa Comelec?

*************

Akong usbon ug hangyo kining mga natungdan nga ofisyal diha sa public market pamasin nga mahatagan ug igong pagtagad ang mga yangongo sa mga carinderia tungod sa baho diha sa canal nga mo-alisngaw. 

Tungod nianang baho sa canal ang ilang mga costumer nag reklamo na kay dili kuno lalim kon manga-on na sila. Maayo unta kon ma-aksyonan kini dayon sa hingtungdan nga ofisyal. 

Pila ra man unta ka oras nga paserit sa tubig gikan sa atong firetruck. Ato sang taga-ag bili kining mga tag-iya ug carinderia kay mga taxpayer baya ni sila.

*************

Dunay mikuhit kanako diha sa city hall ug nangutana kon nahibalo ba ako nianang casual nga mokubra lang kuno sa sueldo nga walay trabaho. Dili kuno maulaw maka-anha lang kuno sa city hall kon payday na. Dugang pa gayud niya nga dili na man makasugakod pagtrabaho kay SK na(sobra na sa katigulangon). Akong gitubag ang mikuhit kanako nga sagdi lang migo kay ako lang pangutan-on si vice mayor Quisumbing niana.

*************

Naa pay usa kuno diha nga ni-retire na, u gang trabaho kuno matud pa, kanang sakay-sakay lang sa malata ug dili malata. Kon tinuod man gayud ni nga hina na ang tuhod nganong dili pa man mopahulay. Naay daghan nga mga aplikante diha, ihatag na lang na sa mga lig-on ug tuhod.

*************