NewsRecord Weekly Publication

Bantay Banat

Ni Rics Cañisarez

Kampanya sa eleksyon

Pagka nindot tingali kon ang kampanya sa election inay kasilag ug dumot sa mga magtimbang nga bahin sa mga politiko dili ipaagi sa dugoon nga paagi. Hain man ang mas nindot nga paagi nga ang mga botantes malingaw sa sayaw sa mga politiko ug gamay padula ug syempre mga plataforma de gobierno lang ang iladlad. Kining ako suhestion lang, kay sa uban nga mga lugar dinhi sa ato sugod na ang patay tungod lang sa politika. Ang natong huna-hunaon nga ang election mahitabo lang sa usa ka adlaw sulod sa tulo ka tuig u gang kainit sa paglaban ug mga politiko ang angay dili palabihan nga hasta ang panaghigala madamay pa.

Kini kunong mga police nga dili hingigo (cannot shoot straight) dili isyuhan ug armas. Mao kini ang gibutyag ni Phillipine National Police (PNP) Director General Alan Pusisima. Sigon sa PNP Director General  nga ang PNP naggamit ug pondo sa pagseguro nga ang tanang police sa nasud mokuha ug proficiency training aron magamit ang ilang ihibalo sa pag gamit sa ilang armas ug pag pusil sa ilang target. Kadtong isyuhan ug mga armas matud niya, testingan pa kon makaigo ba sila sa ilang target. Apan kon dili hingigo, dili ma-isyuhan ug armas. Sa ato pa di-ay kining uban nga police nga walay armas nga gisukbit, dili di-ay hingigo? Hinuon, sigon ni Purisima sige lang ang training until such time nga magaling na sila isyuhan na ug armas.

************

Pastilan ning uban nga kandidato panahon sa eleksyon sa entablado maayo kaayong mopasi-atab nga moasenso gayud ang atong lungsod/syudad kon ako ang modaug. Nindot kaayo nga plano apan, dili ba kaha ang ilang bulsa ang una nga mo-asenso? Balantayan  kini nga mga klase nga kandidato.

************

Panahon sa eleksyon manggawas ang mga isyo. Ang pikas nga partido singgit ug “change”. Mangutana usab ang mga dumadapig sa pikas nga partido unsa man ang angayan nga ilisan? Husto di-ay ilisan na sa syudad kanang pintura sa alley sa mga dalanon kay kay halos dili na makita. Daghan ang gustong ipasabot sa “change.” Ang buot nilang ipasabot nga ilisan nila si congressman Jules Ledesma kay sa pila ka termino sa iyang pagka kongresista wala gayud siya magpanimulos sa iyang gahum wala kay nahibal-an nga may Ledesma nga nahimong mayor bise mayor ug bisan konsehal sa syudad.

                Tinuod, sa iyang pagka absenuos sa kongreso nga gitaral sa mga tv personalities ug sa broadcast media wala kang kabati nga may gi-akusar ug libelo dili madinumtanon ug labaw sa tanan, wala sa batasan ni Congressman Jules Ledesma nga manghilabot ug mga heavy equipments pareha sa bulldozer, grader ug backhoe para lang gamiton sa ilang asyenda. Mao kana ang tinuod nga lider dili mapahimuslanon sa iyang gahum.

************