NewsRecord Weekly Publication

Pikpik sa Abaga

By Henry Sandoval

Pakita sa puersa

Duha ka pakita sa puersa ang nakita sa katawhan sa siyudad sa San Carlos kaniadtong milabay nga Marso 31,2013 sa partido ni Kongresman Jules Ledesma. Sa maong Caravan uban ni Kong. ang iyahang mga kandidato sa primero distrito.

Kauban usab niya ang iyahang asawa nga si Ms. Asunta de Rosi-Ledesma. Ang maong pakita sa puersa mao ang puersa unom ka Brgy. Lang sa siyudad sa San Carlos. Aduna usab grupo sa mga motorista,grupo sa mga pedicab driver,grupo sa habal~habal kooperatiba,mga depasahi~roan nga motor ug mga tawo nga naglangkob sa barangay 1 to 6. Solid nga taga San Carlos ang miapil niini. Singgit sa nanlakat nga ang ilang suporta anaa gihapon sa kang Cong. Jules Ledesma. Ug sa pagkahuman sa maong parada ang tanan namauli nga walay bagolbol. Ang mga pedicab Driver dagko kaayo ug ngisi .

Wa sad paalkanse ang pikas nga grupo nadungog usab dayon nga moparada usab sila sa pagka sunod nga adlaw. Wa gyud masipyat kay pagkasunod nga adlaw mipakita sad ang grupo ni Board Member Nene de la Cruz. Hilabihan pong daghana ang miapil.Mao sad nga mga sektor sa katilingban ang miapil sa maong parada. Ang nakit~an nako ngawala diha mao ang grupo sa mga barangay opisyal nga sa pagparada sa pikas naa gyud.

Sa kadaghan sa lugar nga suroyan sa pikas nga magpasundayag sa ilahang mga kandidato, dinha pa gyud sa gatuyoktuyok sa Public Plaza diin naghatag ug mensahe si Kongresman Ledesma sa mga scholar nga nagpaabot sa ilahang madawat anang adlawa.

Di man ta moingon nga pamahawa mo diha pero delikadesa unta nga naghimo ug usa ka pamulong-pulong ang pikas nga grupo. Nganong dili man sad mohimo ug rally diha sulod sa auditorium para nga ang pikas usab nga grupo makapamati sa inyong ginasabwag nga “Change”.

Maminaw ang katawhan bisan dili mosulod apan naa ra diha sa ka Titing’s Coffee ug sa mga tindahan nga nagpalibot sa Public Plaza. Mahimo na ninyong matubag ang isyu sa Administrasyon nga mga kandidato nga nagpadayon sa pagpahibalo sa mga tawo sa ilahang programa nga pagpalambo sa siyudad sa San Carlos.

Sama anang mga sementado na nga mga dalan sa kabukiran inyong alkontrahon ug unsay baghuon ana nga programa. Kalkalon ban a ibalik sa pagkabatoon nga agianan ug insakto ang administrasyon nga pagsemento sa kadalanan para nga ang mga produkto sa bukid sayon na lang ipakanaog dinhi sa lungsod.

Nagpaabot ang tawo sa San Carlos ug unsay baghu-on ninyo nga maplastar ninyo para sa pagtimbang-timbang sa ilahang desisyon sa umaabot nga Mayo 13, 2013. Ang Administrasyon klaro ug makita ang ilahang gipang sulti sa kauswagan sa siyudad sas San Carlos. Mga proyekto nga ilaha nang gisugdan ug gani ang dalan sa Bagonbon ug Brgy. Nataban gagmay nalang kaayo ang tapusonon nga semento. Ang Brgy. Quezon gisugdan na sa pagub-ra ang dalan para na usab masusama sa dalan sa uban nga Barangay. Ang inyoha usab ipahayag ug unsay nahimo sa inyohang Kandidato karon sulod sa iyahang pagpanerbisyo sa taas-taas usab nga katuigan sa Probinsya isip Board Member sa primero distrito.

Usa sa pinaka importante nga gisulti ni Kongresman Jules Ledesma  mao ang iyahang pagpadayon pagsuportar sa Scholarship Program sa Primero Distrito. Matud pa niya nga bisan sa pagtapos sa Kolehiyo iya gihapong suportaran ang mga nahuman na sa pagkuha ug Masteral basta ang grado nga nakuha taas . Ang mga estudyante nga hilabihang daghana sa adlaw sa pagpanghatag sa ilahang Scholarship Budget sa duha ka tuig nalipay kaayo.

Uban sa mga estudyante ang mga ginikanan kay matud pa sa usa ka amahan basig mo diretso sa ka-James Innovation mupalit dayon ug celpon. (pasiaw sa usa ka amahan). Lain-lain ang nadawat nga kantidad sa matag scholar. May mga CHED Scholar nga nakadawat ug tag P2,500 ug tag P5,000.00. Samtang ang JAL Scholars nakadawat ug tag P26,000.00 may P18,000.00, may tag P15,000.00 ug may tag P13,000.00.

Ang pasalamat sa mga estudyante gipaagi sa maka bungog nga pinakpakay human sa mensahe ni Kongresman Jules Ledesma. Bisan pa sa mga pasalamat sa mga ginikanan ug mga estudyante sa maong pag distribute sa kwarta sa mga scholar aduna pa gayuy mga tawo nga dili gusto ipanghatag ni Kongresman ang maong mga kantidad sa mga estudyante. Ug nagbanta pa kuno matud pa sa source nga mo file ug kaso batok sa Kongresman.

Na naunsa na mani nalokop tag pasundayag nga wala ipanghatag ni Kongresman ang para sa mga scholar matud pa ni “Amarillo Guerero” unya karon nga gihatag naa na say miingon nga dili gusto ipahatag. Esplikahi ninyo ug kumbinsiha ang mga estudyante ug mga ginikanan nganong dili unta bagay ihatag.