Pipila ka mga myembro sa usa ka social organization nga gitawag ug Mata ng Brigada mipahigayon ug lihok protesta sa atubangan mismo sa istasyunan sa Brigada News FM diha sa Plaza Building, Rizal Street, San Carlos.
 |
Silent protest. Pipila ka mga myembro sa Mata ng Brigada mi reklamo batok sa tagdumala sa Brigada News FM nga si Arnell Dada.
| Photo by Henry Sandoval |
Ang mga mipahigayon sa maong silent protest nagdala ug tulo ka mga placards nga mipa-utwas sa ilang reklamo.
Matud pa ni Noemi Mahiya, usa sa mga miprotesta, misulti sa NRWP nga sila nagprotesta kay ang station manager sa Brigada News FM nga si Arnell Dada wala na makig-istorya nila.
Mi-eksplikar si Mahiya nga sila namalit ug nagpaprinta ug mga t-shirt sa ngalan sa ilang pagkamyembro sa maong grupo. Apil usab sa mga nagpaprinta ug mga t-shirt ang mga kabatan-unan nga myembro sa Youth ng Brigada. Ang mga batan-ong myembro mitabang usab sa pagpamrinta apan wala kuno kini sila makan-a ug snacks.
Si Mahiya miingon nga sila bilang myembro mibayad ug tag diyes pesos alang sa paprinta sa t-shirt apan si Dada ra man kuno ang nangunay sa pagprinta.
Sa dugang nga pakighinabi, ang mga nag-rally miingon usab nga wala na sila nakahigayon ug imbitar sa iyang ubang kauban aron mosalmot sa maong rally kay apiki na sila sa panahon.
Apan nasayran nga wala diay permit ang maong rally gikan sa City Hall o San Carlos City Police Office busa pag-abot sa mobile patrol sa mga pulis sila mibalhin sa atbang sa buhatan sa maong sibyaanan.
Report ni Henry Sandoval
No comments:
Post a Comment