Pikpik sa Abaga "Walang iwanan unta"

Pikpik sa Abaga
Ni Henry Sandoval

Walang iwanan unta

                Dili tanan nga ginikanan ang may prebilihiyo nga maka eksperyensa nga adunay anak nga player sa usa sa mga eskwelahan dinhi sa San Carlos. Bisan unsa nga dula nga mahiapil ang imong anak dili nimo masukod sa imong kaugalingon nga sa higayun makita nimo ang imong anak nga makig duwa sa uban nga mga players.

                Akong anak gikan sa Grade 3 diha sa Tandang Sora Elementary School hangtud na lang sa iyahang college wala ko moundang pag-support sa duwa nga iyahang giapilan. Mahinumduman nako nga sa dihang ang Colegio de Sto. Tomas-Recoletos ang nahimong representative ngadto sa Regional Games akong nakita ang kahinam sa mga players nga makig lantogi sa duwa nga Football sa ilahang mga kontra didto sa Iloilo.

                Tungod lagi kay dala na nila ang ngalan sa Probinsya sa Negros Occidental dili malikayan nga mo-pick up kini sila ug pipila ka players sa Bacolod. Apan bisan pa sa pag-pick up ug pipila ka player sa Bacolod solid gihapon sila nga team nga miadto sa Regional Competition.  'Win or Lose,' matud pa nila, basta magkasama 'ayos lang.'

                Ang atong under-12 sa elementary nahimong madaugon sa duwa nga Football gikan sa Area I Meet ug sa Provincial Meet. Ang bonding aning mga bataa hilabihan na kakusog ug aduna na ni silay komon nga ambition nga magmadaugon sa pagduwa ngadto sa Rehiyon. Apan lagi basta adto na sa Regional Meet ang Probinsya sa Negros Occidental na ang dad-on nga bansagon ug sa sama nga mga pamaagi mokuha ug import nga players sa Bacolod na usab.

                Apan matud pa sa usa ka ginikanan nga mipautwas sa iyahang kahiubos sa nahitabo sa iyahang anak ngadto sa nagdala sa Team Under-12 gitangtang ang iyahang usang anak kay lagi may ipasulod nga lain nga player nga gi-pick up sa Bacolod.

                Wala man unta syay supak sa maong paagi apan ang maot lang kay ibilin man ang mga napulihan. Nasakitan ang bata ug matud pa niya di naman gani molingi sa iyahang spike sa football. Ang magulang usab nga players maluoy kaayo sa igsoon nga nagguol sa maong hitabo.

                Ngano man sad, mga Sir, nga dili man madala nga tulo man lang ni sila nga gipulihan? Bisan unta nga dili makadula apan makaapil lang sa warm-up sa dili pa makasugod ang dula. Ang morale unta sa bata dili palungon kay gikan pagsugod sila kana nga team ang naninguha aron makaabot sa maong torneyo sa rehiyon.

                Ikaw kuno ang mahabilin nga kamong kaubana unya sa finale na mawala ka? Unsa may batyagon ninyo mga maestroha mo? Kamo ang mangita ug paagi ug unsa-on ninyo pagbuhi sa kurso sa mga bata dili kay inyong ibilin. Nakabatyag ba kamo sa gibatyag sa mga bata nga mahabilin?

                Matud pa sa ginikanan nga niadtong milabay nga dula sa probinsya nga nasunog ang usa ka ceiling fan sa taas nga diin ang mga bata natulog usab sa maong edipisyo. Nangatulog ra man kuno kamo, mga Sir. Bagay unta nga kamo ang momata ug inyong hakpon ang mga bata kay inyo kana silang responsibilidad.

                Nanghapa ra man mog tulog, mga Sir! Ka maayo sad ninyong mga laki ah.