Bayanihan

Bantay Banat

Ni Rics Cañisarez

               Buhi pa gyud diay ang bayanihan system sa kabukiran sa San Carlos. Niadtong nakalabay nga Sabado, ang dalan nga nagsumpay sa Sitio Kambyahan ug Sitio Higalaman Barangay Guadalupe, sa dugay nang panahon nga pag-antus sa mga tawo nga lisod nang maagi-an, kaluoy sa kahitas-an karon tawhay na nga maagihan sa mga tawo nga magbaklay gikan sa Sitio Higalaman, Bugta-an, Balasiang, Handalago, Gabon ug uban nga mga sitio nga ang agi-anan mao kining foot road nga nalaka (landslide) gumikan niadtong duha ka adlaw nga kusog nga ulan. Maglisod aa pag-agi ang mga tawo nga magpas-an, lukdo ug pagsinangay sa ilang inug baligya dinhi sa syudad. Ang mga habal-habal dili na usab maka-agi kay ang foot road natabunan man sa lapok gikan sa bukid nga nalaka.

                Sa maong kahimtang wala say mahimo ang barangay kay matud pa sa report, wala pay budget ang barangay nga magamit aron ipaayo sa nalusno nga bukid. Dinhi nagkahi-usa ang katawhan ug ang mga magtutudlo sa Higalaman Elementary School nga dagyawan kon mahimo aron sulhay nga maagi-an sa mga tawo. Daghan ang mi-uyon kay matud pa dili kini kaayuhan sa pipila lang ka tawo kon dili para man sa tanan. Kay nagkahi-usa man, mitampo ang uban ug para makaon ug  gamay nga tuba para sa kauhaw sa mga nagdagyaw. Kon para sa tanan ang kaayuhan, uban ako kaninyo mga higala. Salamat kaayo kaninyo.

Bayanihan spirit. Mga taga Barangay Guadalupe nagtinabangay pag-ayo sa dalan nga na-landslide.

                **********

                Pastilan, inay unta nga magkinto ang atong kapulisan gumikan kay gibalik pag usab ni Police Director General Nicanor Bartolome sa PNP ang panawagan ngadto sa tanan nga hepe sa kapulisan ang 'One-strike' policy tali sa mga illegal nga sugal nga kutob sa mga hepe sa syudad ug mga kalungsuran nga dili makasanta niini, mahimo nga mawala kini sya sa iyang pwesto. Hastilan, bungol-bungol gyud ni si P/Supt. Harold Tuzon. Panid-i kuno ninyo kon nawala ba ang jai-alai dinhi sa San Carlos. Unsa-on gyud ang pagkawala sa mga illegal nga sugal sa atong dakbayan kay sila mismo mao na man ang nag promote ining illegal nga buhat?

                Niadtong nakalabay nga Sabado sila ang nag promote sa usa ka derby diha sa bulangan. Syempre kay pulis lagi ang promoter 36 ka entry. Unsa gud diay ni pulis nagpa derby? Ang nagbantay sa gate pulis usab apil na usab ang driver sa kapulisan. Okay man unta kini kon may fiesta pero, mahibulong man ta nga walay fiesta ug nga gi-atol man gyud ug Sabado nga adlaw.

                Sir Tuzon, walang personalan ito ha? trabaho lang. Totoo bang balita na aking natanggap na ang proceeds daw sa derbing ito ay panggastos para sa seminar nyo?