2Ps: 2 Pesos

Bantay Banat

Rics Cañizares

                Hangtud karon duna pa gyuy mga tawo nga nagpakabana sa atong mga kaigsuonan didto sa Negros Oriental nga naapektuhan niadtong kusog nga linog. Una nga mihatag ug mga hinabang sama sa mga pagkaon tubig nga mainom ug uban pa, mao ang dakbayan sa San Carlos pinaagi sa kang mayor Ginggo Valmayor ug gisundan sa mga civic organizations ug ang Liga ng mga Barangay San Carlos Chapter mihatag usab ug mga sinakong bugas. Mga individual sa San Carlos nga hangtud niining orasa sa hilum nagpadayon ang ilang pagpakabana sa atong mga igsuon didto sa Negros Oriental. Salamat kaayo kaninyo mga higala!

     **********

                Bag-ohay lang gyud si Director General Nicanor A. Bartolome sa Philippine National Police (PNP) miawhag pagbalik sa iyang "One-Strike Policy" ngadto sa tanan nga chief of police sa mga syudad ug kalungsuran nga mahibaloan nga magtulug-tulog sa ilang obligasyon sa pagpaundang sa illegal nga sugal. Tan-awon nato kon magsige lang ba ug katulog si P/Supt. Harold Tuzon niining gisubli nga "One-Strike Policy" ni Director General Nicanor A. Bartolome.

                Sigon niya nga ang kutob sa hepe sa kapulisan nga dili maminaw niini, "Shall be summarily relieved." Labi na kung mahibaloan nga ang mga illegal nga sugal nagpadayon gihapon sa nasakupan. Niining kampanya sa "One-Strike Policy" gi-activate ni Director Bartolome ang PNP Anti-illegal Gambling-Special Operations Task Forces (AIG-SOTF) sa national, regional ug provincial levels sa pagpatuman sa balaod batok sa mga operators ining mga illegal nga sugal. Ang AIG-SOTF maoy responsable sa paghimo ug analysis sa mga intelligence and information tali sa mga illegal gambling activities apil ang active counter- intelligence and investigation aron mailhan ang pipila ka PNP personnel ug mga government officials ug mga employees nga nahilambigit sa mga illegal gambling activities. Gitudlo ni General Bartolome si Deputy Director General Emil Sarmiento agig maoy mangulo sa national AIG-SOTF. Hala! Mga Chief of Police, kanus-a pa man mo manglihok!.

**********

                May mga pangutana nga nag-ingon, kini bang programa sa atong Presidente Noynoy Aquino nga 4Ps o Pangkabuhayan ng Pamilyang Pilipino Program, may pinili ba? Kini ang dili nako matubag. Hain man ang mas maayo kon ang taga Department of Social Welfare Development ang atong patubagon niini. Kining kwartaha tabang kini sa gobyerno ngadto sa mga kabus. Apan, karon may mitumaw na usab nga reklamo gikan sa mga recipients nga kuno nga inig kubra nila sa kwarta gikan sa Land Bank of the Philippines-San Carlos Branch kuha-an man sila ug tag duha ka pesos.

                Ako silang gipangutana kon kinsa ning mga tawhana nga mokuha ug tag duha ka pesos. Ako na usab ning ipangutana sa taga DSWD. Tinuod nga gamay ra kining duha ka pesos pero sa kadaghan nga mga recipients ibutang lang nato nga mga 3,000 ka buok nga mga recipients sa tag duha ka pesos. Imagine!

                **********

                Niay usa ka binuhat nga sulondon gyud ug hinaut pa unta nga magdaghan ni sila. Dili nato maingon nga adunahan apan, may disente nga trabaho apan nakugang sya sa dihang iyang nahibalo-an nga ang iyang ngalan naa sa listahan sa DSWD nga usa sa mga reciepents sa 4Ps. Diha-diha iyang giadto ug mihangyo nga ipa-erase ang iyang pangalan. Sa taga DSWD, unsa man diay, wala ba ninyo ma-screen ug maayo kon si kinsa ang angayan nga tabangan sa gobierno?