NewsRecord Weekly Publication

Bantay Banat

Ni Rics Cañisarez

SK President gipa-resign

Ang balita nga nakadangat diri kanako, mao kining bahin sa pag palagpot sa SK Fe

deration President Lady Lehi P. Lambayong nga maoy ex-officio member sa Sangguniang Panlungsod sa syudad. Para masiguro kon unsa ka tinuod ning maong balita, akong giadtuan ang panimalay ug ako gayung nahinabi si Lambayong ug gipangutana kon unsa ka tinuod nga palagputon sya sa pagka SK Federation President ug sa unsang rason.

Matud niya nga ang hinungdan kay dili kuno siya ka apil sa federation meeting ug dili sila mosugot nga mo-eskwela sa gawas dinhi sa San Carlos. Ug siya gipapirma sa resignation letter. Matud niya mipirma siya aron dili na mahasol ang iyang pamilya ug sa Hulyo 31 na lang siya kutob.

Sa akong nahibaloan nga ang tawo nga nitabang ani niya aron mahimong SK Federation president ug si Mayor Ginggo Valmayor, kaniadtong vice mayor pa siya, nakasaway na sa kanhi SK Federation President nga motungha lang ug kausa usahay dili gani kay lagi tua man sa kaulohan nag-eskwela. Si Board Member Rene Gustilo usab sa iyang bahin, maulaw usab siya nga nagrekomendar kaniya nga presidente unya dili siya makahimu sa iyang trabaho. Pero, wala kini mag pasabot nga sa iyang pagpalagpot bilang ex-officio member sa SP dili na pud sya official sa SK, magpabilin siya gihapon sa pagka SK chairman sa Barangay 5.

                         **********

Dili pareho kaniadto nga molang-at lang ug mga inadlaw may moduol kanako nga motaho bahin nianang matud pa, gimik diha sa smoke emission testing center nga aron ka makasiguro nga makapasar sa smoke emission test ang imong sakyanan, bayad ka na lang. Kon gamay ra ang imong sakyanan P 500. Pero, kon daku, daku-daku sad. Kanunay ko kining banatan. Karon ang akong natingad-an kay wala na gayuy bisag usa nga nipaduol kanako nga moreklamo nga gisikwati sila diha sa smoke emission testing center. Tingali, gi-ilisan kadtong mga technician.

Pasalamat ko diha sa emission testing center nga namati gayud sa akong banat pero, kining SCBI, bisag unsaon ug kulata banat sa ilang bahong baklag nga polyusion mokatawa lang. Karong bag-o lang may pipila na usab ka reklamo ang akong nadawat nga puerting bahoa gihapon.                        Ang akong simpleng tubag niana: Wala tay mahimo kay bisan gani ang taga DENR nga naa ra sa ilang atbang dili gani moreklamo!

Pero, duna say mo-ingon nga kon dili mohunong ang operation sa SCBI dili gayud mawala nang bahong baklag ug polyusyon.