Bantay Banat
Ni Rics Cañisarez
Mga hepe sa pulis
Niay usa ka hepe sa kapulisan didto sa lalawigan sa
Pangasinan ang mi-alma human nga gisibak sa pwesto gumikan kay wala
makapaundang sa illegal nga sugal sa iyang area of jurisdiction. Mi-alma pa ang
buta nga daku. Dili ba nga dugay na man nga nagpahimangno si P/Director General
Nic Bartolome nga kinahanglan gamiton gayud ang one-strike policy tali sa mga
illegal nga sugal? Tan-awa, di gitang-tang sa pwesto.
Maayo unta kon mahitabo usab ni dinhi sa atong lalawigan nga
kutob sa mga hepe sa kapulisan nga mga buta ug bungol sa pagkuyanap aning mga
illegal numbers game paphaon dayon sa pwesto aron mahimong leksyon sa atong
kapulisan.
Nganong dili man sila makapaundang sa mga sugal sama niining
bagdok, tari-tari, hantak ug uban pa nga illegal nga sugal?
Sayon ra kaayo ang tubag. Kay duna may gidawat nga proteksyon
money gikan sa mga gambling lord. Mao tong mi-alma ang hepe sa kapulisan sa
Pangasinan kay wala na siyay madawat. Kini ra bang mga gambling lord kon
mohatag ug kwarta sekreto kaayo kay duna lay sugo-ong tawo nga mo-ingon nga,
"Sir ito bigay ni boss."
Unya kon ikaw ang hepe, makabalibad ka, kay baga-baga ra ba ang
sobre? Mao ni nga kalabanan sa hepe sa kapulisan dili man unta buta apan, dili
makakita, magpabungol-bungol nga dili man usab bungol kay halos kada semana magpa
ear cleaning man.
**********
Asa man diay ning atong uban nga traffic aide nga nagbantay sa
kalsada? Nangutana ko niini kay maayo lang gani kay dunay mga pulis nga
nagbantay usab sa mga corner streets nga kon may molabang sa kalsada nga senior
citizens sila na hinuon ang mo-alalay padulong sa pikas nga kalsada. Kini ang
akong na-obserbahan diha sa corner Locsin ug Gustilo streets. Ato usab nga
taga-an ug dakong importansya kining maayong binuhatan sa atong ubang
kapulisan. Saludo ko ninyo mga Sirs!
**********
Unsa na sad ning gimmik nga gibuhat sa usa ka school principal
diha sa usa ka eskwelahan sa Barangay Quezon nga sigon sa akong impormante,
nagpadala kuno ug sulat ngadto sa school guard nga ang unod sa maong sulat, mga
ngalan sa mga maestro ug maestra nga ang
guardiya na lang ang mo-punch in-out para sa mga magtutodlo nga naa sa sulat.
Pero, wala
mosugot ang maong school guard. Sir uy, unsa man ni? Nganong ang guardiya man
ang suguon hain man diay ni silang mga
maestraha, may mga extra-curricular activities? Nganong dili man personal ang
mo-punch in o out? Maayo unta kon mahibal-an kini sa atong school
superintendent agud nga ma-imbestigar.
**********
Kon dili ma-patch up kining kaguliyang sa politika sa lungsod
sa Calatrava, hayan nga sinugdanan na kini sa pagka si-ak sa pundok nga
kaniadto naghiusa aron lumpagon ang liderato ni kanhi Mayor Boy Baguio. Si SB
member Dick Dedicatoria mipadayag na ning bag-o lang nga modagan siya sa pagka
bise-mayor. Midesisyon siya nga mokandidato sa pagka bise-mayor kay iyang
nasayran nga ihulog kuno siya ni incumbent Vice-mayor Virgilio Tan sa kampanya.
Sigon sa kang Dedicatoria nga kapin na sa duha ka tuig ning
ilang bangi-bangi ug gani dugang pa niyamay kalagot ang bise-mayor kaniya ug
mao tingaling ihulog siya sa kampanya.
So, dinhi magsugod ang problema kay sa panahon sa kampanya
kinsa man ang ituboy ni Mayor Araceli Somosa? Si Vice-mayor Tan o si SB
Dedicatoria?
Sa mga botantes sa Calatrava, kamo ang mo-decide kon kinsa ang
inyo kay para nako, may the best man win!
No comments:
Post a Comment