Enforcer-Fixer

Pikpik sa Abaga

Ni Henry Sandoval

Sa kalisod karon sa panginabuhi bisan unsa na lang klase nga panginabuhi ang himuon sa mga tawo nga mabuhi ang pamilya. May legal ug duna say mga illegal. 

Si Pael nga naila sa angga nga Pang-an nga makita nato nga ang pamilya matulog sa kanhi opisina sa Bank of the Philippine Island nanginabuhi sa legal nga paagi. Sayo sa buntag nangita kini siya ug mapunit nga mga plastic nga anaa sa kadalanan para iyahang mabaligya ug mapalit ug makaon para sa iyahang mga anak. Usahay mangindahay sa mga panimalay nga iyahang kaila.

Pero kaning usa nga akong ngalanan ug 'Fixer na, Enforcer pa' dugay na kining gireklamo sa daghang mga tawo tungod kay lahi kini sila. Unsa man ning fixer? Kini mao ang tawo nga motrabaho sa usa ka dokumento para maproseso. Mubayad ka sa presyo nga ilahang ibungat kun magkasabot mo. Enforcer, ang trabaho ani niya sa dalan ug schedule kini siya matag petsa 1-15 kada bulan. Ang mga reklamo akong gipaabot kini sa ACOP sa San Carlos para mabuyag ang pagpang fixer niya ug mga papeles diha sa Land Transportation Office.

Sa kada reklamo didto sa opisina sa NewsRecord ug dili sa mga painitan ako kining gidala sa amigo kaayo namo sa nga si Col. Romanillos. Kausa, mipasabot kanako si ACOP Romanillos nga schedule ana niya 1-15 mao nang kada 16-31 nanginabuhi siya diha sa may smoke test center ug sa LTO. May rason diay ni siya kay wala man diay trabaho nga nagfixer siya diha sa LTO. Pero bisag petsa 1-15 naa man gihapon gadala ug papeles sa LTO. Usa ka concerned citizen ang mihatud ug picture aning mga tawhana sa opisina nga petsa sa ilahang trabaho apan anaa sa LTO gaproseso ug mga papeles. Wala nako na gidugay sa akong kamot  ako kining gihatud sa pulis nga in-charge sa mga enforcer.

Pero bisan pa man niana wala matinag ang maong enforcer ug milabay pa ug istorya nga "di na sila kadulot." Dili man mi kontra ninyo, amigo ra ta. Ug dunay moreklamo amo gyud nang isulat basta makita namo nga dunay basehan ang gireklamo.

Usa kini gisulat akong gihinabi si Enforcer Eborda nga maoy labaw nilang mga enforcer. Iyang gi-esplikar kanako kun nganong naa usahay na sila diha sa LTO. Matud pa niya nga aduna diay  breaktime usahay duha ka oras. Ug kanang mga orasa mao nay ilang gigamit sa pag sideline diha sa LTO. Sa iyahang esplikasyun ni Enforcer Eborda akong nasabtan nga gitugutan nila sa pag sideline ang maong mga enforcer. Ug dunay mahitabo ani nila samtang breaktime tua nagfixer sa LTO, kinsa man unyay manubag ug duna? Parehas anang gi-follow up nila nga dugay moguwa ang papeles unya maputong labi nag mahibaw-an nga ang bayranan wa kaabot ug  P 3K unya gipangayu-an ug P 5K. Unsa-on pag justify ninyo ug mahitabo nga anaa sa lugar nag sideline nga may schedule man siya sa iyahang trabaho isip usa ka enforcer? Matud pa nila wala sa breaktime nga buntag hasta hapon naa nang tawhana. 

Apan kinsa man ang sayop ani nga bisan pa sa kadako anang gibutang sa opisina sa LTO nga "BAWAL ANG FIXER' padayun nga anaa sila?  Kinsa ang angay nga basolon? Unta ang mga tawo nga nagkinahanglan mag-renew sa ilahang mga papeples dili na moduol aning mga tawhana para dili mabiktima sa 'Kuko ng Mga Maya.'