NewsRecord Weekly Publication

Pikpik sa Abaga

Ni Henry Sandoval

Swerte sa trabaho

Kining kinabuhi sa tawo swerte-swerte ra jud.

Kita mo lang nang uban nga bisag asa lang maabot para lang gayud makakita ug trabaho. Ang uban nalinis na lang ang sapatos balik-balik ug apply bisag panilhig na lang maglisod pa. Ang uban nahurot na lang ang in-English para makakita ug trabaho pero gi unok-unok sa malas sa panahon.

Ang uban ganing asyenda wala na dinha ang mga sultero ug dalaga kay nanglangyaw para makatrabaho. Pero duna say swerte kaayo nga mga tawo nga ang trabaho dili gyud lisod para nila. Daghang kong nakita nga gi-swerte gayud. May mga mi-retire na sa ilahang pagpanrabaho, nagdawat na ug pension pero mibalik ra sad pagtrabaho pero casual gihapon sa gobyerno. Duna say mga mag-asawa nga sa usa ka opisina anaa gatrabaho, casual.

Ug sa pulong pa sa mitaliwan nang broadcaster nga si Ernie Baron, "Weather-weather Lang". Murag tinuod gyud na da.

Na kamong wala pa ubani sa swerte sa panahon pahipi lang sa mo sa daplin ug dili papatad lang samo ug STL. Di diay kay murag gidimalas pud ning STL kay si Presidente Noy-noy na gyud ang miingon nga undangon ang maong klaseng sugal kay mao ray nahimong panagang sa illegal nga sugal sama sa jueteng ug  masiao. Musamot na gyud kadaghan ang walay trabaho ani.

**********

Murag dili na ni madala ug hatahata ang pagdagan pagka congressman sa mokontra ni Congressman Jules Ledesma. Matud pa sa akong source larga na ang barko nga gisakyan ni Board Member Nene dela Cruz.

Apan dinhi sa San Carlos hanap pa gyud ang managan sa lokal nga posisyon.  Kay ug imo ra bang lantawon ang San Carlos maoy muhatag ug suma total kung kinsa ang mudaog sa distrito nga posisyon. Ug wala kay lokal nga mga kandidato nga mudala sa imohang ngalan pastilan pagkalisod pagbaligya bisan pag-aduna kay mga tawo nga nagsuroy-suroy na sa maong siyudad.

Gani naka dungog mi nga sa silinganang lungsod gipang lay-off na ang dili ilaha. Na usa ni sa mga elemento  sa politika nga maka pressure sa mga botante nga gatrabaho ug gasalig ra gayud sa kita diha sa pagpanrabaho sa gobyerno labi na gyud ang mga casual.  Ug sa side sa partido ni Ledesma hilom pa kaayo gawas sa duha ka ngalan nga mipatim-aw karong semanaha nga maoy puli sa duha ka graduated na sa pagka-konsehal.