NewsRecord Weekly Publication

Pikpik sa Abaga
Ni Henry Sandoval

Kuryente


Wala gayud ko masipyat nga daghan ang mangutana ug asa ning mga lugara nga akong gisulat nga 42 ka sitios nga gipasudlan ug elektrisidad. Tungod sa daghan ang misulat niadtong milabay nga isyu karon ako nang mahigayunan pagtubag ang mga pangutana sa mga tawo kun asa dapita sa Primero Distrito mitupa kining proyekto sa elektrisidad.


Sa Don Salvador Benedicto: Purok Bagacay, Bunga; Purok Estawatos, Bunga; 
Sa San Carlos City: So. Mangga, Cabunao, Palampas; So. Ilang-ilang, Quezon; So. Lower Suha, Quezon; So. Lower Natuyay, Codcod; 
Sa Calatrava: So. Butig-butig, Menchaca; So. Hayapyap, Tigbon;  Alimungaw,Cabungahan; So. Bandol,Maaslub; So. Agoncong, Lagaan; So. Danicop, San Isidro; So. De le Fortuna, San Isidro; So. Loponan, Bagacay; So.Carbon, Hilub-ang; So. Alabay, San Isidro; Anii Elementary School, Anii; So. Manilag, Bantayanon; Cambalogbog,Telim; 
Sa Toboso: So. Bandila, Bato-bato; So. Escala,Bug-ang; So. Sangay Cubay, Salamanca; So.Bunacan, Salamanca; So.Toriltajison,Tabun-ac; So. Bato-bato,Tabun-ac; So. Cruz,Vicancina, Bandila; So. Bayombong-Tabun-ac; So.Polopangyan, Bug-ang; Dinggiton I,Tabun-ac; Malipayon, Bug-ang; Dawis, San Jose; Fuentes,San Jose; 
Sa Escalante City: So. Lawis, Langub; So. Alangahag, Tamlang; So.Lunay, Paitan; So.Anocnar, Mabini; So.Toong, Mabini; Langub Proper, Langub; So.Magkaya, Langub; So.Balaring, Binagyohan; So.Mulabog, Old Escalante; So. Lawis, Alimango.

**********

Sa siyudad sa Escalante sigun sa akong impormasyon nga nakuha adunay duha ka abogado nga mihatag ug libre nga serbisyo niadtong mga tawo nga na myembro sa 24K Firm nga ubay-ubay gayud ang nagasto alang aning grupoha. Ang mga organizer sa maong lugar gipang reklamo sa mga myembro sa maong organisasyon. Ug dili lang kuno kanang lugara ang tagaan ug serbisyo nga walay bayad niining duha ka abogado. Apil na kuno ang atong siyudad sa San Carlos. 
Na mao na ni ron maglabad na gayud ang ulo aning mga tawhana kay matud pa sa akong amigo ubay - ubay  gayung katuigan ang mabakasyunan kung maabot ni sa korte. Kay dinha lang  daan sa kabukiran sa Barangay Rizal, matud pa ni kanhi Kagawad  Johnny Baran,ubay-ubay gayud tawon ang nasulod diha sa paglaum nga duna lagi tawon madawat nga milyon. 
Lab-as pa sa kong panumduman sa dihang ga-meeting kining founder nila aning grupoha sa Barangay VI ang mga pasalig nga iyahang gisulti sa mga tawo-ang libreng edukasyon, hospitalisasyon, balay ug kwarta pa gayud nga madawat sa higayun nga ma-release na ang bahandi sa ilahang giingon nga Madam. 
Dili pa gayud ko malimot nga ako ning gipangutana ning tawhana ug asang bangkoha gideposit ang kwarta kay miingon man siya nga naa sa Bangko sa siyudad sa Victorias na-deposit ang initial nga kwarta. Ako pa gayud ning siyang giingnan nga, "Hinumduman nimo, Sir, nga kanang 
P 200 nga para sa ilahang ID ug P 200 sa t-shirt daghan nang kilo sa bugas mais mapalit ana." Ug matinuod nga maabot ang serbisyo anang duha ka abogado diri sa San Carlos problema nang dako kaayo ninyo.