NewsRecord Weekly Publication

BantayBanat

Ni Rics Cañisarez

Nagbahis-bahis

Samtang nagkaduol ang eleksyon kada adlaw dili na gayud halos mapugngan ang mga salakyan sa mga politiko nga magbahis-bahis sa mga kadalanan ning syudad nga mag siya-ok ang mga jingles niining mga politiko. Tungod kay kampanya man gud karon wala gayuy makasaway ani nila. Ang usa ka butang nga wala magustuhi sa uban kay kon dunay panahon sa meeting kon rally sa pikas nga bahin sa mga politiko, magsige ni sila ug bahis-bahis sa ilang mga sakyanan tuyok-tuyok diha sa auditorium nga pakusgan ang mga jingles ug dala ang mga placards u gang uban mag singgit-singgit busa, dili kalikayan nga ang uban mo-ingon nga mga bastos daw kuno. Dihay nangutana kon kinsa kuno ang mastermind kon utok sa maong binastos. Kinsa kaha?

Ang ilang dad-on nga mga placards kon basahon nag-ingon  ihatag kanamo ang kagawasan. Unsa man di-ay kini sila, binilanggo? Ang uban nga placard nag-ingon nga dili kami kauyon sa diktadoria nga pang gobierno, kinsa man usab ang nagdikta ninyo? May diktador ba dinhi sa San Carlos? Kinsa man ang wala ninyo magustuhi, ang diktadoria O si Decatoria?

************

Ang kahimtang karon sa San Carlos kon parte sa politika  ang hisgutan, mas grabe pa gayud  ang Calatrava. Ang mga tao didto, dili na mopapilit sa mga posters sa mga kandidato sa bongbong sa ilang panimalay kay nahadlok na nga laksi-on gumikan sa pipila ka tao nga gitahasan  nga mag operation laksi. Wala hinuon sila kon kinsa kining mga tawhana pero, matud nila nga dili mailhan kay mag “bonnet”man. Kon ikaw usa ka kandidato kaanugon lang sa kuarta para sa mga posters unya laksi-on man lang. Pastilan kining mga tawhana unsa may labot nianang mga posters. Palihog, dili nato ipadala ang atong mga kalagot  nianang mga poster sa mga kandidato.

************

Ang Commission on Elections (COMELEC) mipahimangno na ngadto sa tanan nga mga kandidato nga sugod niadtong Abril 12 nga did-an na sila sa pagpanghatag (giveaways) samtang nagkampanya kay mahimo kamong (candidates) mag-atubang ug kasong pag lapas sa lagda sa Comelec. Sigon ni Comelec Chairman Sixto Brillantes, gidili na ang mga kandidato sa paghatag ug mga giveaway just tell them your programs kay kon dili tumanon mag atubang kamo ug risgo sa pag komiter ug sayop. Matud ni Brillantes ang pagpanghatag ug mga giveaway could be considered as an act of vote buying. Gitun-an pa sa Comelec ang tag P5 nga ipanghatag ug dili ba kaha kining tag P10 kon sobra pa. Pastilan usab ning Comelec, mahaylo ba kaha ang mga botantes sa tag P5 o kaha tag P10 kay dinhi lang sa San Carlos, maka-inom kag kape nga P5 pero walay pares nga puto dili ba kaha pandesal. Maayo lang gani  kay diha sa Barkada ni Jules dunay pisong kape, piso usab nga pandesal kon gusto kag puto piso ra usab. Sulayi mga amigo aron kang katuo sa kaping piso-piso.

************