Kani laging panginabuhi bisag unsa kalisud sa trabaho imo gyud nga buhaton para lang mabuhi ang pamilya.
Dili ti-aw ang kalisud sa pagpangita ug trabaho karong panahona. Bisan pa gani ang college graduates lisud sa pagsulod ug trabaho.
Gani ang mga board passer nga mga graduate sa BSED magpaabot pa ug kanus-a matagakan ug grasya gikan sa yuta. Gatusan pa ka mga maestra nga bag-ong nakakuha sa ilang lisensya ang nagpaabot ug pila ka buok ang mo-retire usa pa makasulod ang bag-o nga galinya pa. Bubintaha tong naduol sa linya kay may tsansa nga makapuli. Nganong nahisgutan ko kini?
Tungod sa usa ka tawo nga bisan sa iyahang pagka ulitawo wala niya usiki ang iyahang panahon diha sa karsada sa pag inum-inum ug ilimnon nga makahubog. Hinuon tua siya namutos ug mangga diha sa Barangay Rizal.
Si Rolando Asigurado, 31 anyos, ulitawo ug nagpuyo sa Sitio Ansulag, Barangay Rizal. Samtang nagputos ug mangga dinha sa Sitio Kalarion, sa parehong barangay aksidente nga nahulog sa hagdanang kawayan nga iyahang gipatongan ug maoy hinungdan sa iyahang kaamatayon. Maayong pagkahagsa sa iyahang ulo sa batuhon nga lugar sa sapa. Nahitabo kini niini lang Enero 2015 sa may mga alas 10:00 ang takna sa kabuntagon.
Ang kinabuhi sa tawo dili gyud mahibaw-an nga bawi-on na sa Kahitas-an. Nahisama sa usa ka kawatan nga mosulod sa panimalay nga dili ka kahibalo ug kanus-a muatake.
Kay ug nakahibalo pa si Rolando dili gyud to mamutos ug mangga. Matud pa sa mga kaila ni Rolando usa ka buotan nga bata nga nagtabang sa ilahang panginabuhi sa pamilya .Mao gyud kuno ning mga but-an dali ra mopauli pero kani kunong dautan nga sagbot perti kunong dugaya kuhaon kay pahinulsulonbpa sa ilang mga sala.
**********
Ani lang bag-o nadisgrasya sa motor si Engr. Justine Ejercito dinha sa may eskina anang Land Bank sa diha untang moliko na sya pasulod sa LTO office.
Nadala sa hospital apan wa magdugay sa hospital dinhi kay gidala man sya sa Bacolod para didto na masusi ug matuki ang sakit sa iyahang tuong bahin sa gusok nga iyahang gimulo nga sakit kaayo nga halos di siya maka ginhawa sa kasakit. Maayo kay nadala dayon kay sa akong pagkabati maayo na ang iyahang kondisyon.
Susama gyud ang iyahang nabatyagan niadto usab nga nadisgrasya ang akong amigo nga anak ni Kapitan Salimbaga sa Barangay Guadalupe. Gani lang gabie nahitabo to ug nadugaydugay pagdala sa siyudad sa Bacolod.
Human sa ka Engr. Ejercito paglabay sa pipila ka adlaw si Socrates na sad sa Waterworks Department ang nadisgrasya diha sa dalan ug maayo kay pagkalaksi ang walang bahin sa ibabaw sa iyahang mata. Sunod-sunod ang disgrasya pero ang mga exhibitionist nga mga driver sa motor magkarera pa dinha sa Center Mall. Bantayan ra nga mawala ang Patrol ug kadiyot mao say pagkarera.
Sabagay baga-baga gyud siguro ang sulod sa bulsa ug madisgrasya kaya ra ang gastuhan sa hospital. Matud pa bitaw nila dili tilaw, dili tagam.
No comments:
Post a Comment