NewsRecord Weekly Publication

Pikpik sa Abaga
By Henry Sandoval

Dinakpanay

   Mipahigayon ug usa ka hinugpong nga pagpanakop sa mga motor nga walay insakto nga papeles ug mga driver nga walay lisensya ang Land Transportation Office (LTO), Philippine National Police (PNP), ug ang traffic enforcer niadtong milabay nga mga semana.


   Ubay-ubay gyud ang nahunong nga mga motor diha dapit sa may City Hall. Kani maoy lehitimo nga dakop kay duna may TOP nga iisyu nimo ug adto gyud nimo lukaton ang imong lisensya sa LTO Office. Ug ang kwarta nga matigum sa dinakpan mabalik kini sa mga proyekto sa matag siyudad. Dili pareho sa ubang dakop nga ang lukat adto padulong sa ilahang bulsa ug wala pa gyud resibo ihatag nimo.
   Sa mga dagko ning siyudad gihimu-an na nag-entrapment operation. Dugay ra unta nang nalagpot sa katungdanan. Pero basin pa diay matalang ang BITAG dinhi sa atua ug maka-timing ba. Usahay ra ba ning gaba dili magsaba, mokalit rag abot. Apan sa miaging dakop dunay ginikanan nga mireklamo nga hasta motor sa iyahang anak nga ga-parking dinha sa Julio Ledesma National High School gidakop man ug apil sa nag-rooving nga pulis kay walay lisensya ang ga drive. Reklamo sa ginikanan nga nagparking ra man ang motor.
   Ug mao nang kalikaha nga hasta nang wala magdagan ubay-ubay gyud kag sitahon kay perting daghanang motor diha City Hall nga ga parking. Labot ba na, Sir? Kanang ga-parking dakpon sad? Pwede siguro kong ang motor nga gaparking gigamit sa paghimo ug dautan unya identified ang motor nga maoy gigamit. Pwede sad siguro dakpon kung ang motor nakabangga unya gibiyaan ra sa dalan ang biktima, pananglitan. Pero ug nagparking ra unya estudyante ang maong solterito dili siguro ka ka sita.

**********

   Misuol na sad ang sakit sa mga kawatan ug mga linya sa Parasat dinha sa may Kaingat. Natingala na lang ang mga panimalay nga dunay linya sa Cable nga wa na silay makita nga programa sa ilahang television. Gatuo silag mi brown out ang linya sa PARASAT. Sa dihang ilahang gisubay perting pagkadisgrasyaha kay ang cable wire nga linyada sa Parasat putol na man. Naa na sad nang operasyon sa kukhan ug kamot nga mamutol ug kuryente sa Parasat.
   Pastilan ug matimingan ang linyada sa NONECO ang makaptan igo ra gyud kang ingnon nga, “Merisi!”
Ang kanang pagpangawat panginabuhi na siya basta dili ka madakpan. Pero ug sa higayon nga madakpan ka sigurado gyud ka makatilaw sa kisameng puthaw sa atong detention cell. Naa pay pahungawan sa imohang gikaon nga naa ra sad sa tapad sa imohang gihigdaan.