NewsRecord Weekly Publication

Pikpik sa Abaga

Ni Henry Sandoval

No surrender

"No retreat, no surrender!" Matud pa sa usa ka kandidato nga dili gayud moundang pagdagan sa pagka kongresista sa Unang Distrito. Matud pa niya nga mentras tanto nga dunay  pinili-ay dili gayud sya moundang sa pagdalagan sa maong posisyon. Kay matud pa niya nga ang tawo mopili gayud sa ilahang botuhan sa eleksyon karong 2013.

Si Ernesto 'Toto' Librando usa ka Vice-President ug Marketing Director sa iPower Philippines, Inc. nga anaa mahimutang sa Legaspi Village, Makati City. Handum ug dako ni Librando nga maka serbisyo sa katawhan sa Unang Distrito ug kini siya lumad gayud nga taga San Isidro, Calatrava, Negros Occidental. Ika-upat na kini niyang dagan sa pagka kongresman.

**********

Usa na usab ka kaso nga pagpani-on ug hait nga kutsilyo ang nahitabo diha sa may Baptist Church, Center Mall,  Palampas kaniadtong milabay nga Octobre 12, may mga alas nuwebe ang takna sa gabie.

Nag riding ra unta ang duha ka manag higala diha sa may Center Mall. Ug unsa sang hitaboa didto man sad sila mihunong atong may simbahan daplin sa sapa nga ngitngit man unta nang lugara. Wala gayud gani abti ug 10 minutos gikan sa ilahang pagparking sa motor nga kalit lang may miduol nga duha ka lalaki nga mition kanila ug kutsilyo. Ang lalaki usab nga giti-unan miatras ug dayun dagan nangita ug makatabang nila.

Samtang asoy sa babaye, nga hinganlan lang nato ug Ana, giguyod siya sa duha ka lalaki sulod sa kampo. Matud pa niya nga sige siyang gihadlok sa duha ka lalaki nga dili mo siyagit. Sa iyahang kahadlok wala gayud siya kasyagit bisan pa man nakadungog siyag mga motor nga gabahis-bahis.

Padayun kuno siyang giguyod ug didto na siya gipahubo sa iyahang t-shirt. Naka higayon sya pagpatid sa lalaki ug nakadagan unta apan naapsan sya ug gisumbag sa nawong ug nawad-an siyag panimuot.  Sa dihang nakamata siya usa na lang ka lalaki ang iyahang nakita ug iyahang namatikdan nga abri na ang iyahang zipper sa karsones.

Dinha na sila miguwa sa unahan sa may taytayan sa Ka Ling-ling. Gipahulam siya sa lalaki ug T-Shirt niini ug gihatud pa gayud siya dinha kutob sa Goldie Glo sa may corner Broce-Locsin Streets.

Mga alas kwatro na kapin o kulang nga nakaabot siya sa ilahang boarding house sa may Mondragon Street, Barangay II. Bisan pa kuno nga dunay pulis nga mi responde dili gayud sila makit-an kay naa man sila sulod sa kampo.

Ang akong natingalahan sa iyahang asoy nga dili man unta kuno sila uyab sa lalaki nga iyang kuyog nganong didto man sad sila atong awa-aw nga lugar nga anha man gayud ang laban nga krimen mahitabo sa ngitngit? Dili ra kanang hitaboa ang nahitabo diha.  Wala pa ko kadungog nga dunay kaso nga ingon ana nga nadakpan sa atong kapulisan sa siyudad.                              

Kanus-a kayha ni mataymingan sa mga otoridad? Kunus-a kaha nila hingusgan ang kampanya batok sa mga pagyatak sa dignidad sa mga babaye? O, moingon man lang ba kaha gihapon sila nga, "These women provided the opportunity?"