NewsRecord Weekly Publication

Pikpik sa Abaga
Ni Henry Sandoval

Angkonay sa proyekto

Basta duol na gani ang bugnong lugaynon mangguwa sad ning mga isyu nga may kalabutan ang lungsod sama sa nahisgutan sa usa ka pamantalaan sa Bacolod mahitungod sa usa ka proyekto didto sa Sitio Salvacion, Barangay Magtikol, Toboso, Negros Occidental  nga giangkon kuno ni Kongresista Julio Ledesma. Ang maong proyekto gisugdan kaniadtong unang semana sa Octobre 2012 ug gi trabaho kini sa Engineering Brigade  sa Philippine Army.
Nakahigayon ako paghinabi pinaagi sa usa ka amigo sa Toboso ang barangay kapitan sa Barangay Bug-ang nga si Romel Pareno.  
Una nakong gipangutana kaniya kon nasemento na ba ang dalan nga gikan sa highway padulong sa Sitio Salvacion? Matud pa ni Kapitan Pareno wala pa ginasemento ang maong dalan kung dili naga clearing pa lang. Dugang pa niya nga mga duha ka kilometro ug tunga gikan sa highway padulong sa sulod  sa Sitio Salvacion ang maong dalan. Wala pa kuno na ma semento kay tungod sa ulan nga sige-sige. 
Sunod nakong gipangutana kang Kapitan Pareno kung ang dalan ba nga ginatrabaho sa Army Engineering Brigade karon mao ba lang na ang dalan nga gina abonohan ug mudrock niadtong 2010. Tubag niya, "Amo lang na." 
Ang proyekto karon ni gobernador nga dalan nga gikan sa highway padulong sa sulod sa Sitio Salvacion ug kana kunong dalan nga bali duha ka kilometro ug tunga mao nang dalan nga ginpaabunuhan ni Ledesma  ug mao ra man pud nang dalana nga ipasemento karon ni  Gobernador Marañon.  
Akong gipangutana si kapitan kung nasayud ba kamo kung diin halin ang funding sa maong proyekto? Matud pa niya nga ang mga katawhan sa ilang barangay ug sa ubang barangay nga kanang proyektoha gikan sa opisina ni gobernador kay sa miaging semana didto sila sa Sitio Polopangyan nagmeeting mahitungod maong proyekto.
Tubag pa ni Pareno sa pangutana kung nakadungog ba sila nga si Kongresista Ledesma gaangkon sa project ni Gobernador Marañon: 
"Ang amon ya nga tubag waay kami kadungog nga gin-angkon niya ang pagpasemento sa maong dalan ang pagpa abuno siguro niadtong 2010 mahimong iyaha kanang maangkon kay siya man ang nagpaabuno niini." 
Gikan sa baba ni Kapitan Pareno nga wala mangangkon ang kongresista ug project nga dili iyaha. 
Ako pud nahinabi si Marton Cui, nga maoy sinaligan ni Kongresista Ledesma dinhi sa First District sa Negros Occidental. Wala ko magsayang ug oras kay daghan siyang bisita ako dayun siyang gipangutana sa usa ka kolum sa usa ka pamantalaan sa probinsya nga si Gobernador Marañon miingon nga si Kongresista Ledesma nangangkon ug proyekto diha sa Sitio Salvacion, Barangay Magtikol, Toboso, Negros Occidental. Matud pa ni Cui, ulahi naman gani sila kuno nakahibalo nga gitrabaho diay kanang dalana  sa mga Army. 
Si Board Member Rene Gustilo ang nagpahibalo niya nga mao na ang dagan sa maong lugar kay mibisita niya ang usa ka opisyal sa Army sa ilang balay. Matud pa ni Cui, "Ang ka Gobernador ka Gobernador na. Ang ka Kongresman Ledesma iyaha sad na." 
Sama aning proyekto nga nadawat nila sa Department of Budget and Management pinaagi sa National Electrification Administration nga gi-address didto ni Kongresista Ledesma nga ga-inform na release na ang first 50% of 2012 subsidy appropriation para sa NEA for sitio electrification. Nga ang maong proyekto nag-inform sa congressman nga na-release na ang para sa 42 ka sitios sa Unang Distrito sa Negros Occidental. 
Matud pa ni Cui mas malipay sila kung daghan ang proyekto nga motupa dinhi sa Unang Distrito kay kaayuhan man kana sa katawhan sa unang distrito. Ma Probinsya o ma District nga mga proyekto basta sa katawhan wa gyud kuno nay problema.
Mahimong ang mga politiko nga napili na ug magpapili ug usab wala makaadto sa mga lugar nga ilahang gipamaraygan sa ilahang boto ang importante nga dunay representante sa usa ka barangay nga maoy mudala sa tingog sa ilahang pumuluyo nga sakit na ilahang tiyan. Kay sa tinud-anay lang tanan siguro politiko wala makabalik sa tanang mga lugar nga diin nagpapili sila. Pareho lang na sila tanan nga may lugar nga nabalikan may lugar pud nga wala mabaliki apan gilingi kini nila ug giatiman ang gikinahanglan sa ilahang katawhan. Ang importante karon panahona nga sa umaabot nga eleksyon mahimong malinawon ug ang tawo nga moboto makauli sa ilahang panimalay nga walay nahitabo.