Bantay Banat
Ni Rics Cañisarez
Naligsan nga dewende
Sa natad sa politika kon mag away gani ang
mga dagkong politiko ang maligsan kini intawon ang mga dewende. Mao kini ang
nahitabo karon sa usa ka lugar dinhi sa San Carlos nga ang nag sakrifisyo mao
na man hinuon ang mga botante gumikan kay dili na makaagi ang tawo sa dalan nga
naandan nga agi-anan. Ang uban adto na mo-agi sa bukid kay lagi kaatbang man
karon sa politika. Hinuon kon ilang mahibaloan nga ilang tawo makaagi man
lisod-lisod gayud kay sa motor nga may side car lang ang masakyan kay kon truck
dili gayud makaagi tungod kay duna may stop bar nga dunay mga tawo nga
nagbantay. Halos tanang mga agi-anan duna nay mga stop bar. Kini gihimo nga
pamaagi sa tag-iyang politiko aron ilang maseguro nga ang mga tawo nga moagi sa
ila gayud mobotar.Ang mga tawo nga dihang dapita nanimuyo nga akong nahinabi,
mo-ingon nga unsaon man kay wala man silay mahimo kay ila mang kagustuhan, ug
mapugos na lang kami nga mobotar sa ilang mga kandidato. Mao na kining gi-ingon
nga bisag pungot basta wala lay ibot.
*************
Kini bayang uban nga politiko, dili baya
makahuna-huna sa sa partisipasyon sa tao sa panahon sa eleksyon. Angayan baya
unta nilang sapnayon ug ugay-ugayon aron makuha nila simpatiya labi na gayud
kay panahon na pinili-ay karon. Mga Sir/Madam
gamay lang gud nga hapuhap sa abaga.
*************
Nia say uban nga politiko nga dili kamaong
mo-angkon ug kapildihan (ingon ba di-ay ning uban nga politiko?) kay kon ilang
paminawon nga medyo takilid ang resulta makahuna-huna dayon ug armas nga ihulga
sa mga botante. Ayaw na ninyo ug buhata mga Sir uy! mga peace loving people
baya ang taga San Carlos.
*************
Kining akong amigo miasoy kanako nga ang
cellphone sa iyang anak ug apo nawala. Naglagot siya tungod kay matud niya nga
ang ilang balay wala na kunoy privacy kay bisag kinsa lang kuno ang mosaka.
Iyang gipangutana ang iyang anak ug apo kon kinsa ang misaka sa balay pero, may
usa usab siya ka kaila nga misugid kon kinsa ang misaka. Sanglit kay nailhan
niya ang gisugid sa iyang ka-ila ang tawo nga misaka, ilang gipa-blloter sa
police headquarter. Wala maglangan ang kapolisan, giadtoan ang balay sa
suspetsado nga nagsakiyo sa mga cellphones. Gi-imbestigar ang suspect nga naila
sa ngalan nga si Taed Edgardo Bayot. Sanglit kay gi-ako man ni Taed Edgardo
Bayot nga siya ang nagkuha, nauli gayud ang mga cellphones nga gisakiyo sa
maong suspect. Maayo lang kay wala kasuhi. Bantayi gayud ninyo ang inyong mga
balay na?
*************
Kon ikaw usa ka
ofisyal sa lungsod andam ka gayud nga motubag sa kinahanglan sa katawhan. Niay
usa ka pastor nga taga Passing Truck,Minapasok, Calatrava nga miduol ni mayor
Cely Somosa nga nangayo ug tabang tungod sa iyang anak nga nabiktima sa rape
didto sa Qatar. Kon imong huna-hunaon, sa kalayong dapit pero, gipaning kamotan
ni mayor Somosa nga matabangan gayud kay kining anak sa pastor sige na lang
kuno ug hilak ug nasulod sa iyang ulo nga magpakamatay na lang. Tungod kay
talabangon gayud gihimo gayud sa mayor ang tanan, ang DSWD mitabang usab ug si congressman Jules Ledesma
mitabang sa kagastuhanan paingon sa Manila ug giubanan ni SB Member Eldie
“Balao” Monterde didto sa Department of Foreign Affairs ug sigon sa akon
nahibaloan nga ang DFA nagpasalamat kun okay ang reklamante gi-ubanan pa kuno
ug konsehal sa Calatrava. Sigon sa kasayuran gikan sa Calatrava nga humanon na
lang kuno ang ikaduhang Hearing didto sa Qatar mopauli dayon kadtong anak sa
pastor nga dili masukod ang kalipay tungod sa tabang ni mayor Cely Somosa,
congressman Jules Ledesma, SB Eldie “Balao”Monterde ug sa tabang usab ni
Cynthia Villar.
No comments:
Post a Comment