NewsRecord Weekly Publication

Pikpik sa abaga

By Henry Sandoval

Tennis

Nakuratan ko sa akong apo nga akoang giapas diha sa bag-ong tenisan karon dinha sa Center Mall. Naabtan nako nga gakupot ug raket sa tennis. Nakabatyag ko kalipay nga dia sad diay ning mga bata nga gagmay pa ang edad 6 pataas ang nag training sa duwa nga tennis. Akong nasiplatan si Konsehal Carmona nga busy kaayo ug hands on sa maong training. Sa akong nahinabi si Konsehal Carmona matud pa niya nga kaning training sa mga bata sa duwa nga tennis dugay ra nga gisuportahan sa Administrasyon sa didto pa sila ga praktis sa Central nga tenisan. Ug matud pa niya ubay-ubay  na ang nahimong mga scholar sa dagkong Unibersidad  nga gikan sa ilahang programa. Karon matud pa niya ang bag-ong mga gagmay bata nga gi train sponsored kini ni Kongresman Ledesma ug sa City Sports Office ug sa Lokal nga mga Opisyales sa siyudad sa San Calos. Abi gud nakog sa Shooting Competition lang maayo si Konsehal Carmona hasta man sad diay sa Tennis.

************

Sa akong isyu niadtong milabay nga semana bahin sa mga raid ug sa paglapnag sa shabu dinhi sa siyudad sa San Carlos nasukmatan ko sa usa ka amigo ug daghan ba gyud diay kuno. Ako siyang giingnan nga sulaye ni ug suroy ning lugara para makakita ka sa baligya-anay nga naa ra sa dalan. Ug ani lang bag-o akong kauban kanhi sa PCFC sa 334th PC company nadisgrasya diha sa dalan nga nadisgrasyahan usab ang usa ka empleyado sa Dep-Ed. Ug ang rescue maoy una naabot sunod ang mga pulis. Nakuha sa maong nadisgrasya ang kwarta ug shabu. Matud pa sa polis nga akong nahinabi nauli ang kwarta tungod sa hangyo sa igsoon nga ilang gamiton kay dad-on nila sa Bacolod ang nadisgrasya. Ang droga ra ang wala mauli ngadto sa igsoon. Ang nadisgrasya nadala sa Bacolod apan wa sad abti ug pila ka adlaw mipanaw kini sa laing kalibutan. Lisod man gyud tinuod dakpon kining bisyoha apan atong makita nga kadaghan aning mga NGO nga anaa nakigtimbayayong sa atong mga otoridad ug walay rason nga dili kini sila maaplayan ug Search Warrant.

************

Dinha sa among lugar sa Barangay I adunay daghan kaayong mga membro sa Senior Citizen. Halos kada buntag sa akong pagsuroy-suroy sa among Barangay dili malikayan kining mga 77 anyos nga mupa utwas sa ilahang gibatyag mahitungod sa benepisyo unta nga ilaha untang madawat apan dili puede tungod sa rason nga aduna silay gidawat nga SSS nga pension u gang uban nga rason nga aduna silay mga anak nga atua namuyo sa guwa sa Pilipinas. Mao sad nang nahitabo sa akong inahan kay 78 anyos naman apan wala makadawat anang tag 500 ang bulan sa mga membro sa Senior Citizen nga nakaabot sa edad nga 77 anyos. Kay sa akong pagsabot ang SSS ginahulugan kana kada bulan sa usa ka nag trabaho ug pila ka gatos ka pesos matag bulan. U gang maong paghulog ug makaabot ka sa insaktong edad sa SSS usa paka makadawat sa imohang pension pero imo kanang gihulugan kada bulan. Mura na bag return of investment nimo nga ipasa-pasa ngadto sa asawa ug anak nga kwalipikado pa makadawat ug pension sa SSS. Ang kani usab mga ginikanan nga adunay anak nga atua sa laing nasud di sad na kasaligan kay duna mi silingan nga ang iyahang anak atua sa guwa apan wala na gapadala kaniya ug kwarta pila na ka tuig ang milabay.Dili man masaligan ang mga may anak nga atua sa guwa nga magsige ug padala. Maayo unta ug gipamunit lang na nila didto kay sig era nag padala. Ingon anang dollar ang ilahang income unya dollar man sad ang ilahang gigasto. Nakahinabi ko ni Simeon Caballero kadiyot ra gyud kaayo matud pa niya nga iyaha gayud nga paninguha-on nga ug unsay nadawat sa Rehiyon 7 mao sad unya ang madawat dinhi sa Rehiyon 6. Na hala kamong mga membro sa Senior Citizen ang inyong kinatibuk-an nga Presidente sa Senior Citizen si Simeon Caballero naninguha sa kabulahanan ninyo tanan. Tabangi lang ninyo siya sa mga kalihokan sa inyong grupo.